Slöpp skilyrði?? Svarið er Sveinn El Loftnets.

1 ár frá síðustu færslu

2008-05-17T20:52:00.002Z

Hér með er gjört kunngjört að ár er frá síðustu færslu minni á vef þessum.

Njótið.

Fyrir þá sem vilja fréttir af manni

2007-05-17T16:00:00.000Z

Þá bendi ég á heimasíðu veiðifélagsins bíttá helvítið þitt. En í sumar mun ég aðeins skrifa þar um veiðiafrek mín.

www.123.is/bitta

Tilkynning

2007-05-08T18:54:00.000Z

Fyrir þau sem höfðu áhyggjur.
Ég er enn á lífi og líður gríðarlega vel.

Takk fyrir

Plága dauðans - Inflúensa

2007-03-04T16:33:00.000Z

Inflúensuveira í góðu stuði tilbúin að eyðileggja fyrir þér vikuna.

Ef ég vorkenndi ekki einhverjum sem hafa fengið þessa pest sem er að ganga þá biðst ég auðmjúkur afsökunnar. Ég fékk nefnilega þessa plágu.
Ég er búinn að liggja heima í 4 daga með hausverk, svima, hita, ælu, hósta, og grænt hor dauðans.
Þetta er algjör viðbjóður og með verri pestum sem ég man eftir að hafa fengið.

Smá varnaðarorð:
Ef einhver er að hósta í kringum þig hlauptu!!!

Bæ bæ Akureyri

2007-01-31T12:39:00.000Z

Undirritaður á góðri stund við sjóbleikjuveiðar í Eyjafirði

Þrátt fyrir biturleika minn út í Akureyri undanfarin ár er ekki laust við að ég sakni hennar Akureyrar örlítið. Bíttá Helvítið Þitt var stofnað hér af okkur Matta vini mínum og hef ég grun um að veiðiferðirnar verði færri á komandi sumri nema einhver verði eins manískur og hann í að draga mig í veiðitúra.

Með bros í hjarta og piss í pung kveð ég þig kæra Frú Akureyri.

Slafr.

2007-01-21T20:07:00.000Z

Fór í hagkaup klukkan 15:43 í dag, svangur, mæli ekkert sérstaklega með því. Rann á lykt af nýsteiktum kjúklingi út í horni. Greip eina pútu og dágóðan slatta af djúpsteiktum kartöflustrimlum auk kokteilsósu, tvær fernur af Biomjólk, eina jarðarberja og hina með perum og eplum. Fór heim. Slafraði í mig hálfum kjúklingi hálfum kokteilsósudalli auk nokkkurra djúpsteiktra kartöflustrimla. Gekk saddur til rúms og horfði á Íslenska landsliðið grúttapa. Slafraði svo í mig restinni af súkkulaðikaramellukexinu mínu sem ég keypti deginum áður ásamt mjólkurglasi. Dagurinn verður svo fullkomnaður með Catankvöldi hjá Landmanninum og spúsu hans

Nýtt húsnæði

2007-01-08T08:49:00.000Z

Já þið heyrðuð rétt. Sveinn El. Loftnets er að missa eftirnafnið og flytja til Reykjavíkur. Hann hefur fest kaup á þessari afar fínu íbúð þar sem hann mun dvelja í frá og með 1. Febrúar. Einnig hefur hann skipt um vinnu og mun nýja vinnan sennilega ekki hafa loftnetsuppsetningar í boði og því allt eins víst að Undirritaður missi ættarnafnið.
Allar peningagjafir eru vel þegnar því dýrt er að kaupa sér húsnæði í henni Reykjavík og leggist inn á reikning: 305-26-1203. kennitalan er 120378-3689.

Gleðileg Jól

2006-12-24T14:25:00.000Z

Óska vinum og lesendum gleðilegra jóla og farsæls komandi árs.
Farið varlega í brennivínið yfir hátíðarnar svo þið endið ekki eins og þessi Jóla-Sveinn.
Vegna aðstæðna verða engin jólakort send frá mér í ár og vona ég að mér verði fyrirgefið það.

Gleðileg Jól
Svenni

Nætursnarl

2006-12-12T08:40:00.000Z

Fyrir mér er nætursnarl jafn mikilvægt og kynlíf fyrir rottum og koma tímabil þar sem ég vakna á hverri nóttu til að fá mér bita.
Það eru tvö efni sem eru algjör forsenda fyrir ánægjulegu nætursnarli, annað er súkkulaði hitt er mjólk. Þess vegna reyni ég alltaf að eiga súkkulaðikex í skápnum og mjólk í ísskápnum því ekkert er verra en að geta ekki svalað fíkn sinni klukkan 4 um nótt. Ef ekkert er til geng ég um gólf í svitakófi og velti fyrir mér hvað ég eigi að gera og oftar en ekki verður Haust-kex með óhóflegu smjörmagni fyrir valinu ásamt hálfum til einum lítra af mjólk.
Hins vegar þegar súkkulaðikex af einhverri gerð er til og nóg af mjólk þá líður mér eins og barni á jólunum að taka upp óskagjöfina sína. Svo hálfum kexpakka og líter af mjólk síðar leggst ég til hvílu á ný og sofna eins og nýskotin gæs.
Ókostirnir við þetta næturbrölt eru tveir. Annars vegar aukakíló en síðasta mánuðinn hef ég ekki vaknað til þessarar iðju og misst um það bil 5 kg. Hins vegar hefur súkkulaðið einhver svæfandi áhrif og afskaplega erfitt er að koma sér á fætur á morgnana eftir góða nætursnarlsnótt meira að segja mun erfiðara en aðra morgna.
En þegar öllu er á botninn hvolft þá er næturbröltið þess virði því unaðstilfinningin sem fylgir því að þamba síðasta mjólkurglasið á eftir síðustu kexkökunni slær engu við.

Skemmtun

2006-11-27T11:56:00.000Z

undirritaður á góðri stund á dansgólfinu.

Fór á jólahlaðborð með vinnunni á laugardaginn. Drakk brennivín og borðaði mig saddan. Fór þaðan á Vélsmiðjuna, dansiballsskemmtistað fyrir gamalmenni. Borgaði mig 1200 kr. inn á Sixties á þessum sama stað. Dansaði. Fannst það gaman. Hef ekki gert það síðan ég var 18 ára í leit að lambakjöti í Valaskjálf.
Held að ég sé orðinn klikkaður.

Merkilegt

2006-11-20T17:10:00.000Z

þetta held ég að sé skemmtilegt hobbí.

Hamstur

2006-11-17T14:35:00.000Z

Þetta finnst mér fyndið.
og þetta líka.

Þunglyndi

2006-11-16T09:26:00.000Z

Hvernig getur þetta valdið öðru en þunglyndi?

Ný vefsíða Bíttá Helvítið þitt

2006-11-03T18:29:00.000Z

Ég vil nota tækifærið og benda fólki á nýja síðu Bíttá Helvítið þitt á slóðinni www.123.is/bitta.
Ástæðan fyrir þessum skiptum er að fyrri vefhýsill, go.is skeit í buxurnar og gafst upp.
Einhliða samningaviðræður standa nú yfir til að ná gömlum fréttum og myndasafninu til baka en ekkert svar hefur borist enn frá þeim go.is mönnum. Jafnvel er hugsanlegt að bitta.com verði að veruleika upp úr þessu.

Forgangsverkefni Samfylkingarinnar

2006-11-01T17:42:00.000Z

Stundum heyrir maður því fleygt að tími sé kominn á ríkisstjórnarskipti og er þá Samfylkingin oftast nefnd sem sá flokkur sem taka ætti við og losa þjóðina undan "ægivaldi" Sjálfstæðisflokksins.
Ég vil nota tækifærið og vara fólk við að kjósa Samfylkinguna í komandi þingkosningum ef forgangsverkefni þeirra verða eitthvað á þessa leið.
Takið eftir rauða ljósinu það er merki Samfylkingarinnar. Þau ættu kannski að taka upp nafnið Stoppfylkingin.

Lánsamt Lag # 2

2006-10-30T13:49:00.000Z

Að þessu sinni er það S.Magnussonband sem hlýtur heiðurinn Lánsamt lag.
Lagið heitir Proposition Aken og má nálgast hér og á heimasíðu Hljómsveitarinnar.
http://www.myspace.com/smagnussonband

Stóra hvalasamsærið

2006-10-25T20:54:00.000Z

Ég hef flett ofan af Greenpeace.

Greenpeace er gróðafélag sem lifir á peningagjöfum og til að fá peningagjafir þurfa þeir að hafa eitthvað málefni til að ráðast gegn. Getur verið að Kristján Loftsson sé í raun á launum hjá Greenpeace við að veiða hvali svo þeir geti öskrað úlfur úlfur og fengið þannig fleiri peningagjafir frá ríka og fræga fólkinu. Mótmælendur og óbreyttir starfsmenn greenpeace eru í sjálfboðavinnu og hvað þýðir það fyrir toppana.

Jú gróði gróði gróði.

Hálvitar

2006-10-18T10:51:00.000Z

Af hverju eru flestir aðrir en en ég hálvitar?

Fíkniefnasalar

2006-10-02T19:56:00.000Z

Undirritaður gerði sér bæjarferð til Reykjavíkur um helgina og með því fyrsta sem hann gerði í bænum á föstudagskvöldið var að skjótast í Select verslunina við Æsufellið í Breiðholtinu til að versla sér mjólk, brauð, skinku og súkkulaðihúðaðar kleinur. Á þessum stutta tíma sem tók að versla þessar fáu vörur varð undirritaður var við þrjár mögulegar fíkniefnasölur.
Hvað er að lögreglunni?
Einn "undercover" lögreglumaður hefði á einu kvöldi getað hirt þarna hið minnsta 20 fíkniefnasala.
Afhverju tekur dómsvaldið sér ekki til og hækkar refsinguna við fíkniefnabrotum til jafns við alvarlegar líkamsárasir, morðtilraunir og morð því vitað er að fíkniefnaneysla og sala liggur að baki mikils meirihluta alvarlegra lögbrota sem framin eru hér á landi.
Í raun finnst undirrituðum að þrepaskipta ætti fíknefnabrotum einhvernvegin á eftirfarandi veg.

1. þrep: Fíkniefnaneytandi er tekin með efni. 1. skipti sleppt með viðvörun. 2. skipti: settur inn í viku með skilyrði á fíkniefnameðferð. 3. skipti og oftar einangrun án allrar læknishjálpar í fangaklefa í 4 vikur.

2. þrep Fíkniefnasmásali: 6 ára fangelsi.

3. þrep Fíkniefnaheildsali 16 ár eða fleiri í Guantanamo, Abu Grahib eða öðru álíka fangelsi með lélegum aðbúnaði.

Nú má Dómsmálaráðuneytið fara að vakna og gera eitthvað í málunum og þyrma að þessum andskotans aumingjum sem selja börnum og unglingum efni sem geta eyðilagt líf þeirra og annara.

Forvarnardagurinn

2006-09-28T20:23:00.000Z

Forvarnardagurinn er í dag og óska ég öllum til hamingju með hann.
En mér finnst skjóta svolítið skökku við að aðalstyrktaraðili átaksins sé lyfjaframleiðandinn Actavis þar sem dagurinn er gegn misnotkun á lyfjum og öðrum fíkniefnum sem þeir framleiða í tonnatali.
Væri ekki alveg eins gott að hafa forvarnardaginn í boði Viking?

Grasekkill

2006-09-19T15:56:00.000Z

Næstu tvær vikurnar eða svo verð ég grasekkill og eru því opnar dyrnar hjá mér fyrir Playboy kanínum og öðrum nektarfyrirsætum.
Ef þú ert Playboy kanína eða Nektarfyrirsæta endilega bankaðu uppá.

Göngu/veiðiferð í Héðinsfjörð

2006-09-04T12:32:00.000Z

Stjórn Bíttá Helvítið þitt skaust gangandi í Héðinsfjörðinn á föstudaginn 1. September og má sjá sögu ferðarinnar hér

Hin Árlega útilega Útilegumannafélagsins Útvarps

2006-08-30T08:30:00.000Z

Í þetta sinn í Húsafelli.
Brenna + Gítar + Gítar + Melodika * Zywiec = Öskufall, Ást Bósi Ljósár auk annarar almennrar ölvunar.

Myndir

Samkynhneygð

2006-08-14T20:54:00.000Z

Gunnar í krossinum á skilið Thule fyrir þennan brandara í mogganum á laugardaginn

Mikið er ég ánægður með mótmælendur

2006-08-08T10:50:00.000Z

Ég hef yfirleitt verið frekar pirraður á hassreykjandi lopahausunum sem eru að mótmæla uppi við Kárahnjúka en svo kviknaði hjá mér ljós.

Ég er ánægður með störf þeirra!!

Hvers vegna er virkjunnarsinni eins og ég ánægður með þá?

Jú það er vegna þess að á meðan þeir eru þarna þá hefur löggan svo mikið að gera við að halda aftur af þeim að hún hefur ekki tíma til að pirra löghlýðna Héraðsbúa með sektum vegna minniháttar umferðalagabrota eins og að vera ekki með ökuskírteini, vera með ljóslausa kerru eða keyra 5-10 km yfir hámarkshraða.
Því segi ég haldið þið áfram að mótmæla og reykja hass líka svo löggan hafi nóg að gera því lögreglan er svo ansi pirrandi þegar hún hefur ekkert að gera.

Sveinn El. Loftnets.... Mótmælasinni