Eftir að hafa horft á
Kastljós sjónvarpsins í kvöld neyðist ég til að skrifa enn einn andkommúnistapistilinn. Þarna komu fram tónlistarmennirnir Björk og Damon Allbran og leikkonan Margrét Vilhjálmsdóttir sem vilja endilega bjarga náttúru Íslands frá mengun frá álverksmiðjum og því að sökkva undir jökulvatn sem er góðra gjalda vert nema þegar menn koma fram opinberlega í beinni útsendingu með engin rök, engin gögn og leyfa landsmönnum öllum að sjá hafragrautinn í hausnum á þeim.
Björk hefur nú aldrei haft mikið á milli eyrnanna en hún Margrét kom allra verst út úr heimskunni en hún er einmitt forsprakki náttúruverndarsamtakanna.
Grípum hér niður í Margréti segja:
"Eftir 5 ár eru þeir að segja að þessar virkjanir verði jafnvel úreltar"
Ef virkjanirnar verða orðnar úreltar eftir 5 ár þá borga þær sig varla upp og þá hlýtur Landsvirkjun að vera að reyna að setja sig á hausinn.
Björk segir svo aðeins síðar:
"Þessar virkjanir eru svo gamaldags þetta er eins og einhver 19. aldar iðnbyltingarhugsun"
Kárahnjúkavirkjun er ein stærsta og tæknilegasta virkjun Evrópu og afskaplega tæknilega flókin framkvæmd og þetta kallar þú gamaldags. Hrærðu í hafragrautnum í hausnum á þér góða.
Svo halda þær áfram að blaðra hikandi og hummandi og koma með engin haldbær mótrök nema Björk vill frekar fá litla virkjun í hverjum firði eins og margar litlar virkjanir í öllum fjörðum séu eitthvað minni náttúruspjöll en ein stór upp á fjöllum.
Álbræðsla er svo mengunarmikil að þetta er alveg hræðilegt. Frekar væri að auka ferðamannaiðnaðinn segja þær. Þá spyr ég hvernig litu þjórsárver út ef hundruðir þúsunda ferðamanna gengu þar um á hverjum degi. Hvaða náttúruspjöll yrðu gerð þar í formi hótela og minjagripaverslanna og annars. Auk þess held ég að þær geri sér ekki grein fyrir hve mikil mengun er frá einni þotu bara frá London til Keflavíkur. Boeing 757-200 brennir c.a 11 tonnum af þotueldsneyti á þeirri leið og öðrum 11 á leiðinni til baka. Þetta gera 22 tonn af eldsneyti sem eru c.a 27.000 lítrar. Ef við svo umreiknum þetta í einkabílinn þá eyðir meðalbíllinn um 10 lítrum á hundrað kilómetra sem gera 270.000 kílómetra á einn bíl sem er vel rúmlega endingartími hans og ef við reiknum flugtímann í aksturstíma þá eyðir meðalbíllinn á 100 km/h í 6 tíma 30 lítrum þannig að ein flugvél á leiðinni London - Keflavík - London eyðir á 6 tímum sama eldsneytismagni og 450 einkabílar á 6 tímum og þetta er bara ein flugvél. Það er talsverð mengun. Hvað skildi ein álverksmiðja menga á við margar flugvélar á klukkutíma? Er þetta ekki svolítill tvískinnungur að að náttúruverndarsinnar sem berjast gegn mengun skuli ekki berjast gegn fluvélum og þar að leiðandi ferðamannaiðnaði?
Og hvað veitir ein flugvél mörg störf og hvað veitir ein álverksmiðja mörg störf?
Listamannalaun eru einmitt borguð úr vasa mannsins sem vinnur í álverksmiðjunni. Og þessir listamenn vilja losa sig við launagreiðanda sinn.
Auk þess sýndist mér að flestir þarna væru miðbæjarrottur úr Reykjavík sem finnst landsbyggðin púkaleg nema kannski Björn Blöndal í hljómsveitinni Rass en hann er einmitt frá Hallormsstað en vinnur nú við að selja ísskápa í Heimilistækjum.
Skrítinn andskoti.
