Yfirlýsing.

Ég Sveinn El Loftnets afsala hér með mínum íslenska ríkisborgararétti vegna slaks árangurs íslenska landsliðsins í handknattleik á heimsmeistaramótinu í Túnis.

Hver er ástæða taps Íslands gegn Slóvakíu

Loksins eftir að ég var orðinn rólegur í morgun eftir að hafa brotið fjarstýringuna í lok leiksins í gær. Þá kemur viðtal við Viggó Sigurðsson þjálfara íslenska landsliðsins í handknatleik.
Í þessu viðtali kennir hann argentínsku dómurunum um tap Íslands gegn Slóvakíu.
Ég segi: "Viggó minn. Þetta er þér að kenna og engum öðrum. Ekki tókstu leikhlé þegar 2 mínútur voru eftir og ekkert gekk upp. Ekki sástu að vörnin var ekki að ganga upp og breyttir um varnartaktík. Vörn er besta sóknin, og þetta áttu að vita. Dómararnir dæmdu vel í gær og þú sem fagmaður veist það.
Horfðu í egin barm og mundu þessi orð.
Árinni kennir illur ræðari."

Með von um endurbætur

Sveinn El. Loftnets

Sveinn El. Loftnets í nýju ljósi!!!

klikkið á myndirnar til að stækka þær

Með hjálp nýustu tölvutækni er hægt að gera sér í hugarlund hvernig Sveinn El. Loftnets liti út ef hann hann væri öðruvísi.
Myndirnar tala sínu máli.

Sveinn El Loftnets........Margbreytilegur

Ísland 34 - Tékkland 34

Já þeir drulluðust til að jafna rétt í blálokin. En heilt yfir var þetta ömurlegur leikur hjá þeim þó allir séu voða hamingjusamir yfir því að þeir hafi náð að vinna upp 9 marka mun.
En það sem vantar í þetta Íslenska landslið er einfaldlega líkamsstyrkur. Það sást alveg greinilega að Tékkarnir rúlluðu þeim upp eins og kökudegi.
Íslenska landsliðið í handbolta er sem sagt með brauðvöðva af of miklu Cocoa Puffs áti.
Ég er nefnilega með kenningu. Megnið af liðinu er af Cocoa Puffs kynslóðinni og eru þess vegna aumingjar.
Lausnin er einföld.
Lýsi og hafragrautur í morgunmat.
Sjáið bara Sigga Sveins sem var dæmi um leikmann ekki af Cocoa Puffs kynslóðinni. Hann fékk Lýsi með morgunmatnum.

Sveinn El Loftnets....Tekur Lýsi á hverjum morgni!!!

Sorgarstund í íslenskri útvarpssögu!!

Aðdáendur Tvíhöfða frá Kosovo grétu þegar fréttist að enginn Tvíhöfði yrði framar.

Það er ekkert rokk, enginn Tvíhöfði, enginn Freysi, enginn Stjáni Stuð. í útvarpinu lengur.
Gunnar Smári Egilsson þeytti íslensku útvarpi aftur um 20 ár. Og til hvers? Jú til þess að Illugi Jökulsson gæti fengið talmálsstöð eins og Útvarp Saga var. En Útvarp Saga fór á hausinn vegna þess að enginn vildi kaupa auglýsingar þar, var það ekki?
Ég gerði tilraun til þess að hlusta á morgunþátt FM957 á leiðinni í vinnuna í morgun. Ojj þvílíkir andskotas heimskuhausar. Greindarvísitala þeirra þriggja sem stjórnuðu þeim þætti er í besta falli samanlagt um 100.
Guði sé lof fyrir Rás2. Það er það skásta sem er í boði í útvarpi í dag, hugsið ykkur.
Ég skora því á alla rokkara að senda Gunnari Smára Egilssyni ítarlegt mótmælabréf fullt af skít og viðbjóði.
Einnig er hægt að skrifa undir þennan mótmælalista

Sveinn El. Loftnets.......Brjálaður!!!!!!!!!!!!!!

Danslag SveinBjörns

Já það er komið að því. Fyrsta lag SveinBjörns gert opinbert. Að vísu var Björn vant við látin þegar þetta lag var tekið upp en engu að síður er þetta SveinBjörns lag.

Er þetta lag danslag og ber heitið...
Komdu að Dansa.

Höfundur lags og texta: Sveinn El. Loftnets
Gítar söngur og bassi: Sveinn El. Loftnets.
Trommur: Internetið.

Von er á myndbandi von bráðar.

Sækið lagið hér.