Saddam ræðir við Svein El. Loftnets á MSN

Sá merkilegi atburður átti sér stað í gær á afmælisdegi Saddam Hussein að Saddam ræddi við Svein El. Loftnets á MSN. Óskaði undirritaður honum til hamingju með daginn og spurði hvað hann fengi í afmælismatinn. Saddam kvaðst fá Kebab og Cuscus. Einnig var rætt um framtíð Íraks og væntanalegan fríverslunarsamning milli Íraks og Íslands. Fiskur fyrir olíu.

Sveinn El Loftnets....Á mikilvæga vini um allan heim!!

Rokk.is býður SveinBirni inngöngu.

Þrýstið á Rokk.is-hnappinn og farið á umræðurnar um Komdu að dansa

Tónlistarvefurinn rokk.is hefur boðið SveinBirni inngöngu á vefsvæði sitt og þar með gengið í eina sæng saman. Meðlimir SveinBjörns eru upp með sér með þetta boð og hafa þegið það með þökkum.

Hér má sjá SveinBjörn á rokk.is.
Vinsamlegast hlustið oft á lögin svo þau komist í Topp 10.

Hafliði B. Magnússon fórnar sér fyrir tóbaksdós

Hafliði liggur í valnum og stúlkan hefur ánetjast neftóbaki í gegnum húð.

Á dansleik Svartra Fata þann16. Apríl 2005 í Sjallanum Akureyri fórnaði Hafliði B. Magnússon fyrir neftóbaksdós.
Atburðurinn átti sér stað þegar umtalaður var að fá sér í vörina úr umtalaðri tóbaksdós. Á þeirri stundu var Hafliða hrint með þeim afleiðingum að hann hrundi í gólfið. En eins og myndin sýnir þá náði hann að halda megninu af neftóbakinu í dósinni þó hann kútveltist um gólfið. Stóð Hafliði Magnússon svo upp og fékk sér í vörina með bros á vör auk tóbaks í vör.

Sveinn EL Loftnets....með mikilvægustu fréttirnar.

Sögur að handan!

El. Loftnets skellti sér á miðilsfund í kvöld með sinni heittelskuðu og Kristjáni Björnssyni. Og ekki bara miðilsfund heldur transmiðilsfund.
Transistorinn heitir Guðmundur og er frá Dalvík. Var öllum troðið í einn hnapp umhverfið aumingja miðilinn og svo var það blessað Faðirvorið. Einni mínútu síðar kom maður í líkama Guðmundar sem sagðist heita Hjörleifur frá Skagafirði og hafi dáið úr krabbameini 1992.
Svo fór hann að babbla um lífið yfirum að handan. Þar er ekki beint helvíti og ekki beint himnaríki heldur í raun bara annað jarðlíf þar sem menn starfa við ýmislegt og sofa í rúmum inni í húsum. Þar geta menn farið á fyllerý og heimsótt ættingja sína og vini dauða sem lifandi. eftir tvo klukkutíma kvaddi svo Hjörleifur Skagfirðingur og inn kom margra alda franskur munkur og kvaddi okkur. Næst var einhver bæn og svo kom Gummi Transistor aftur. En engin kom sönnunin um að hann væri í raun ekki að leika. 300 kall inn x 50 manns = 15000 kall fyrir tvo tíma 7500 kall á tímann ekki slæmt tímakaup það. Skyldi hann borga skatt af þessu???

Sveinn El Loftnets.....Andlegur!!!

Enn nýtt frá El. Loftnets Inventions

Hverjum finnst gaman að fá ruslpóst? Auglýsingapóst, Fréttablaðið og fleira.
Enn og aftur hafa verkfræðingar El. Loftnets Inventions fundið lausn á þessu hvimleiða vandamáli.
Lausnin var að breyta ruslpóstinum í salernispappír og spara þannig einhverja aura um leið.
El Loftnets Invetions hafa því smíðað frumgerð vélar sem breytir ruslpósti í salernispappír á umhverfisvænana hátt. Ruslpóstinn setur þú ofan í kvörnina sem tætir pappírinn. pappírstætingurinn blandast svo vatni og verður að eins konar pappamassa sem er svo flattur út í hæfilega stærð og þykkt. Að lokum er svo pappamassinn þurrkaður og vafinn í rúllur sem svo ganga út um framhlið endurvinnarans og bíða notkunnar.

Sveinn El. Loftnets ......Salernistækjauppfinningamaður

Numanumajeij

Þetta er með því fyndnara sem ég hef séð.

Nýtt frá El. Loftnets Inventions

Hvaða karlmaður kannast ekki við að konan hans brjálist þegar gleymist að setja salernissetuna niður.
El Loftnets Inventions hefur fundið lausn á þessu stundarbrjálæði konunnar án þess að þurfa að leggja á sig að muna að setja setuna niður. Lausnin er einföld. Tæki sem komið er fyrir ofan á vatnskassa salernisins og lokar setunni að loknu þvag eða hægðaláti.


Eins og sjá má er tækið einstaklega lítið og fyrirferðalítið auk þess sem það er fallega hannað og sómir sér vel við hvaða salerni sem er.


Þarna sést tækið í raunstærð

Tækið hefur rafeindastýrðan arm sem smellir setunni niður 30 sekúndum eftir að salernisnotandi hefur lokið notkun sinni á salerninu. Rafeindaauga í tækinu nemur hvort maður standi fyrir framan eða sitji á salerninu. 30 sekúndum eftir að notandi fer frá salerninu þrýstir niðursetningsarmurinn setunni niður og salernið lokast.
Myndrænar skýringar eru hér fyrir ofan. Nánari teikningar af uppfinningunni verða ekki settar á veraldarvefinn af ótta við ákafa iðnaðarnjósnara frá Gustavsberg, Arabia, Philip Stark og IFÖ.

Sveinn El. Loftnets .....Konan mín fer aldrei í vont skap aftur.

Höttur í Úrvalsdeild

Það tókst!!!!
Höttur er í fyrsta sinn kominn í úrvalsdeild í körfuknattleik með því að merja Valsmenn á Hlíðarenda og RÚSTA þeim svo í Íþróttahúsinu Egilsstöðum.
Til hamingju og mikið er ég er stoltur af ykkur.

Sveinn El. Loftnets .......íþróttabulla!!